Проф. Д-р Илија Тодоров

Проф. Д-р Илија Тодоров специјалист по општа хирургија и трауматологија, со долгогодишно работно искуство на Универзитетската Хируршка клиника, своето знаење несебично го споделувал со студентите на Медицинскиот факултет во Скопје како редовен професор по општа хирургија. Своите амбиции ги насочува кон трауматологијата со што се вработува на JЗУ Универзитетска Клиниката за трауматологија во Скопје, каде што го поминува најголемиот дел од своето работно искуство. Паралелно бил хонорарен консултант во Хируршката клиника ‘Св.Наум Охридски’ во Скопје.Во 1988год. при Медицинскиот факултет во Скопје се стекнува со називот Доктор по медицински науки. Усовршувањата во својата дејност ги стекнува во повеке светски реномирани болници, дел од нив се болницата во Paris(Hospital Pitie кај Prof.Roy-Camille-spinal surgery), воLyon (Hospital Eduard Herriot кај Prof. Fisher-spinal surgery), во Brussels (Hospital Vrije кај Prof.Obdecam-orthopedic). Автор на повеќе дела меѓу кои ‘Клиничка трауматологија’ во 2000год. и ‘Неуротрауматологија’ во 2005год.